ٹوئٹر نے فیس بک اور انسٹاگرام کے نقش قدم پر چلتے ہوئے نئے ’سیو فار لیٹر‘ فیچر کی آزامائش شروع کر دی ہے اس فیچر کی مدد سے صارفین اپنی پسندیدہ ٹوئٹس کو بعد میں دیکھنے یا پڑھنے کے لیے محفوظ کر سکیں گے ’سیو فار لیٹر‘ یعنی کسی بھی پوسٹ کو بعد میں دیکھنے کے لیے محفوظ کرنے کا فیچر پہلے ہی انسٹاگرام اور فیس بک صارفین کو دستیاب ہے تاہم ٹوئٹر پر یہ فیچر موجود نہیں تھا۔
ٹوئٹر نے صارفین کی دلچسپی کو دیکھتے ہوئے اب یہ اس فیچر کی آزمائش شروع کر دی ہے اور اس وقت یہ فیچر مخصوص ٹوئٹر صارفین کو مل چکا ہے۔
ٹوئٹر کے ہیڈ آف پراڈکٹ کیتھ کولمین اور پروڈکٹ منیجر جیسر شاہ نے گزشتہ روز اپنی ٹوئٹ کے ذریعے صارفین کو آگاہ کیا کہ ٹوئٹر صارفین کو اب ’’سیف فار لیٹر’ کا آپشن دستیاب ہو گا جس کے ذریعے وہ اپنے پسندیدہ ٹوئٹ کو محفوظ کر سکیں گے پروڈکٹ منیجر جیسر شاہ نے بھی اس فیچر کے متعارف ہونے کی تصدیق ایک ٹوئٹ کے ذریعے کی اور اس فیچر کے استعمال کے طریقہ کار کو واضح کرنے کے لیے ایک ویڈیو بھی شیئر کی
✨??Fresh out of HackWeek and coming soon — a new way to save tweets to read later. Been a top request (❤️??!) The team would love your feedback as they dial in the design! #SaveForLater ? https://t.co/6oo2lhqFbW
— Keith Coleman ??? (@kcoleman) October 10, 2017
یہ فیچر آزمائش کے بعد تمام ٹوئٹر صارفین کو جلد دستیاب ہو گا۔