سوشل میڈیا پر شہریوں کو لوٹنے والے دو جعلی پیر گرفتار

لاہور پولیس نے کارروائی کرتے ہوئے سوشل میڈیا پر مسائل کا حل بتا کر شہریوں کو لوٹنے والے دو جعلی پیروں کو گرفتار کرلیا۔

تفصیلات کے مطابق لاہور میں راوی روڈ پولیس نے سوشل میڈیا پر لوگوں کو مسائل کا حل بتا کر لوٹنے والے دو جعلی پیر گرفتار کر لیے،دونوں حقیقی بھائی ہیں۔

پولیس کے مطابق دو سگے بھائیوں ضیغم اور وسیم نے فیس بک پر شاہ جی کے نام سے اکاؤنٹ بنا رکھا تھا، جس کے ذریعے کو سادہ لوح شہریوں کو لوٹا کرتے تھے۔

ملزمان نے پولیس کو اپنے بیان میں بتایا ہے کہ وہ پہلے ملتان میں جعلی پیر بن کے لوگوں کو لوٹتے تھے، 2008ء میں لاہور میں کام شروع کیا۔

ان کا کہنا تھا کہ پسند کی شادی اور میاں بیوی میں جھگڑے کے سائلین ان سے رابطہ کرتے تھے۔

پولیس نے ملزمان کے قبضے سے بھاری رقم اور اسلحہ بھی برآمد کیا ہے۔

اس خبر پر اپنی رائے کا اظہار کریں

اپنا تبصرہ بھیجیں